ايه الفرق بين الـ Homophones - Homonyms - Homographs - Acronyms

darsenglizy

Homophones - Homonyms - Homographs - Acronyms

السلام عليكم ورحمة الله وبركاته ، اهلا بكم كل زوار ومتابعى موقع درس انجليزى، انهارده باذن الله هنتكلم عن موضوع شيق جدا ومهم جدا لاى واحد بيدرس انجليزي، يمكن تستصعب الموضوع فى البداية بسبب منظر الكلمات اللى فى العنوان لكن اوعدك هتلاقى الموضوع ده سهل وبسيط جدا وتفهمه بسهولة

نبدا باول كلمة معانا وهى كلمة Homophone
وعلشان نفهم الكلمة دى قسمها لمقطعين وهما homo بمعنى متماثل وكلمة phone بمعنى صوت، نضع المقطعين جنب بعض تبقى كلمة homophone معناها الصوت المتماثل ، معنى الكلام ده ان بيكون فى كلمتين او اكتر ليهم نفس الصوت بالظبط لكن حروفهم مختلفة، بالامثلة هنفهم الكلام ده كويس

كلمة air بمعنى هواء وكلمة heir بمعنى وريث وده علشان اول حرف فيها صامت فيكون نطقهم الاتنين زى بعض بالظبط لكن الحروف طبعا مختلفة والمعنى مختلف

نضيف على كده كلمة aisle بمعنى ممر او طرقة وكلمة I'll بمعنى انا سوف

كلمة allowed بمعنى مسموح وكلمة aloud بمعنى بوت عالى

كلمة ate يعنى اكل وكلمة eight يعنى رقم ثمانية ، وطبعا فى كلمات كتيرة جدا كامثلة على القاعدة دى لكن بلاش نذكرها عشان ماتملش من القراءة وعشان نكمل كلامنا عن الكلمتين التانيين، لو عايز امثلة اكتر عن ال homophones اكتبها على جوجل هيطلع لك امثلة كتيرة جدا وهتتفاجئ ان كان فى كلمات كنا بننطقها غلط وهى ليها نفس نطق كلمة تانية خالص

الكلمة التانية معانا هى كلمة homograph

ودى بقا معناها ان كلمتين ليهم نفس الحروف، لكن كل كلمة ليها نطق مختلف ومعنى مختلف ، وبالمثال هتفهم الكلام ده

كلمة bass لو نطقتها (بيس) هيكون معناها نوع من الة الكمانجة، ولو نطقتها (باس) هيكون معناها نوع من السمك

كلمة desert لو نطقتها (ديزارت) هيكون معناها صحراء ، ولو نطقتها (ديزيرت) هتكون فعل معناه يهجر

كلمة present لو نطقتها (بريزنت) هتكون معناها هدية، ولو نطقتها (بريزينت) هتكون فعل معناه يقدم

الكلمة التالتة معانا هى homonym

دى بقا كلمتين ليهم نفس الحروف ونفس الصوت لكن ليهم معانى مختلفة، ببساطة تقدر تقول هى كلمة واحدة بس ليها اكتر من معنى، واللى بيخلف المعنى هو سياق الكلام ومكان وجودها فى الجملة اذا كانت اسم او فعل

كلمة kind ممكن يكون معناها (نوع) وممكن يكون معناها (طيب او كريم) وهى هى نفس الكلمة بحروفها ونطقها، زى مثلا

What kind of sport do you like? ما نوع الرياضة اللى بتحبه؟

He is a kind man. He helps the poor. هو رجل طيب. هو يساعد الفقراء

اخر حاجة معانا هى كلمة acronym

ودى معناها ان الكلمة بتكون مكونة من عدة حروف، كل حرف فيهم بيكون اختصار لكلمة، و اشهر كلمة هى كلمة UNESCO ودى اختصار لـ

The United Nations Educational, Scientific and Cultural Organization

فاخدنا اول حرف من كل كلمة وجمعنا بيها كلمة يونسكو

مواضيع ذات صلة

يمكنك ايضا زيارة هذه المواضيع للصف الثالث الثانوى

الخاتمة

لا تنسى ان تراسلنا فى حالة وجود اى شكوى او اقتراح او تواجه اي مشكله في تحميل الملف

اذا كنت جديد بالموقع يمكنك الدخول الى الصفحة الرئيسية وتحميل جميع المذكرات سواء الشرح او المراجعات لكل المواد

واذا كان لديك اى طلب او استفسار برجاء وضعه فى تعليق بالاسفل

3 ث

darsenglizy

مقالات قد تهمك

تعليقات

إرسال تعليق